زەکەریا یاپجیئۆغلو لە دووەمین ساڵوەگەری بوومەلەرزەی ٦ی شوبات سەردانی بوومەلەرزەلێدراوەکان لە پارێزگای هەتای کرد.

زەکەریا یاپجیئۆغلو لە دووەمین ساڵوەگەری بوومەلەرزەی ٦ی شوبات سەردانی بوومەلەرزەلێدراوەکان لە شاری ئەنتاکیا پارێزگای هەتای کرد کە لە کاتی بوومەلەرزەکەدا زۆرترین زیانی بەرکەوتبوو.

یاپجیئۆغلو سەردانی گۆڕستانی شەهیدەکانی بوومەلەرزەی نارلیجا لە شاری ئەنتاکیا کرد و لە سەر گۆڕی قوربانییەکانی بوومەلەرزە دوعای کرد و داوای سەبڕ و ئارامی بۆ کەسوکاری قوربانییەکان کرد.

یاپجیئۆغلو دواتر سەردانی دوکانداران کرد و و دواتر سەردانی بوومەلەرزەلێدراوەکان کرد کە لە کۆنتێنێرەکان دەژین و گوێی لە کێشە و دەردەکانیان گرت.

یاپجیئۆغلو دوای سەردانەکان راگەیەندراوێکی بڵاو کردەوە و باسی لەوە کرد کە لەگەڵ ئەوەی ٢ ساڵ بە سەر بوومەلەرزەکەدا تێپەڕیوە کێشەکان بەردەوامە.

"هێشتا برینەکانی بوومەلەرزەکە بە تەواوی ساڕێژ نەبوون"

یاپجیئۆغلو ئاماژەی بەوە کرد کە ٢ ساڵ بە سەر بوومەلەرزەکەدا تێپەڕیوە و وتی، "زیاتر لە ٥٤ هەزار کەس گیانیان لەدەستدا. زیاتر لە ١٠٠ هەزار بریندار... زیاتر لە ٦٠٠ هەزار خانوو ڕوخان و ١٠یان هەزار شوێنی کار... خودا جارێکی دیکە رووداوێکی بەم شێوەیە بە سەر کەسێکدا نەهێنێت. بەهۆی گەورەیی کارەساتەکە هەنێک ناکۆکی دروست بوون. بەڵام خۆزگە لەم دوو ساڵەدا تەواوی برینەکان ساڕێژ بووایە."

"پێویستە هەموو هەوڵێک بدرێت بۆ یارمەتیدانی قوربانیانی بوومەلەرزە بۆ ئەوەی لەسەر پێی خۆیان بوەستنەوە"

یاپجیئۆغلو ئاماژەی بەوە کرد کە یەکێک لە شارەکانی کە زۆرترین زیانی پێگەشتووە هەتایە و وتی، "ئێمە تێبینیمان کرد کە تەنانەت پاشماوەکانیش بە تەواوی لانەبراون و هەندێک کێشە بەتایبەتی ئاوەدانکردنەوە و کێشەی نیشتەجێبوون هێشتا بەردەوامن. کاسبکاران تووشی کێشە دەبن و ناتوانن بازرگانی بکەن. دواخستنی پێدانی قەرزی باج بەس نییە. کاسبکاران دەیانەوێت لە قەرزی باجەکانیان خۆش بێت. پرۆسەی بیناسازی خێرا هەیە سەبارەت بە شوێنی نیشتەجێبوون. کاری بیناسازی زبری زۆرێک لە باڵەخانەکان تەواو بووە، بەڵام هێشتا خانوو هەیە کە نەگەیشتوونەتە دەست. کێشەکانی پەیوەست بە شوێنی کار کەمێک گەورەترن. ئەو خاڵەی کە بازرگانەکان دەریخستووە ئەمەیە: 'نەمانتوانی قەرز و یارمەتی وەربگرین بۆ دروستکردنی شوێنی کارەکەمان، هەروەها نەمانتوانی مۆڵەت بۆ ئەو شوێنانە وەربگرین کە بە توانای خۆمان دروستمان کردبوو'. لەگەڵ شارەوانی کێشەیان هەیە. ئەو کاسبکارانەی کە مۆڵەتیان نییە کێشەی پەیوەندی کارەبایان بۆ دروست دەبێت، چونکە کارێکی بێ مۆڵەت بەڕێوەدەبەن. بە جۆرێک یان جۆرێکی تر دەبێت هەموو هەوڵێک بدەین بۆ یارمەتیدانی ئەو خوشک و برایانەمان کە لە بوومەلەرزەکەدا زیانی دارایی و مرۆیییان بەرکەوتووە، تا ئەو ڕادەیەی کە دەکرێت، و یارمەتیان بدەین لەسەر پێی خۆیان بوەستنەوە."

"ئەو ڕاپۆرتەی بۆ دووەمین ساڵیادی بوومەلەرزەکە ئامادەمان کردبوو دەگەیەنینە لایەنە پەیوەندیدارەکان"

یاپجیئۆغلو لە کۆتاییدا وتی، "زستانێکی دیکە کۆتایی دێت، بەڵام دوای ئەوەی مانگی یەک هەستی بە بەهار کرد، لە مانگی شوباتدا کەشێکی ساردی توند هات. بۆیە بۆ ئەوەی ئەم خوشک و برایانە بە زووترین کات بگەڕێنەوە سەر ژیانی ئاسایی خۆیان؛ ئێمە هەموو هەوڵێک دەدەین بۆ چارەسەرکردنی خێرای کێشەکانی تەندروستی و گواستنەوە و ژێرخانی. گوێمان لە هاوڵاتیانمان گرت و تێبینییەکانمان دەگرت. ڕاپۆرتێکمان هەیە کە چەند مانگێکە ئامادەکاری دەکەین بۆ ئەوەی لە دووەمین ساڵیادی بوومەلەرزەکەدا لەگەڵ ڕای گشتیدا بڵاوی بکەینەوە. ئێمە ئەمڕۆ هاتووین بۆ سەردانی برا بوومەلەرزەلێدراوەکانمان لێرە بۆ گەیاندنی ئەم ڕاپۆرتە، هەروەها ئەوەی ئەمڕۆ دەستنیشانمان کردووە، بە لایەنە پەیوەندیدارەکان و بەدواداچوون بۆ تەواوکردنیان. خودا هەرگیز نەهێڵێت جارێکی تر کەس تووشی ئازارێکی لەو شێوەیە بکاتەوە. پێویستە هەوڵەکانمان چڕ بکەینەوە بۆ ئەوەی ئەم برینانە بە تەواوی ساڕێژ بکەین."İLKHA)